康華照顧患病父母犧牲愛情

日前羅仲謙和楊怡在港大婚，其最強兄弟姊妹團引來網友議論紛紛。當中被網友讚有樣有演技的康華，在婚宴當日成功接得花球。事後康華表示原來是楊怡夾計希望將幸福傳遞給她。康華說：「吳卓羲好有心，叫我企埋啲，又叫有拖拍嘅唐詩詠企後啲，楊卓娜仲將個花球刻意推咗畀我。（有對象未？）一路都忙，冇諗，得閒會努力搵吓。」

減少離港工作

現年44歲的康華鮮有提及感情事，她接受訪問娓娓道出成功搶花球背後的一個感人故事，原來單身的她要照顧患病的父母而犧牲愛情。她表示現要努力工作搵錢：「媽媽都係老人病，爸爸就係心臟病，佢都成80幾歲。我有一個哥哥，不過佢主力喺大陸做生意，所以照顧父母責任都喺我度。通常爸爸都要人氹，要喺佢身邊提佢睇醫生同食藥。」

康華指雖然爸爸病情不重，但因關乎心臟所以要小心照顧，更因照顧兩老而減少離港工作，盡量留在他們身邊。她說：「我有請工人，但只係照顧佢哋起居飲食。有次試過我唔喺香港工作，冇人提爸爸睇醫生，結果我返到香港同佢睇，醫生話心臟可大可小，有黃金時間。（減少返內地工作？）盡量都會喺香港，但內地酬勞唔錯，所以好矛盾。（經濟有問題？）錢唔使搵咁多，穩定收入就可以。」

康華自認悶蛋，很難吸引異性。

楊怡覓得好歸宿，但未有令康華（左二）心急嫁人。

拍拖浪費光陰

雖曾有過追求者出現，但康華坦言被追求者嫌悶，令她近年未有戀情爆出。她說：「佢哋投訴我好悶，話我外表同真實嘅我好唔一樣，我自己好鍾意做嘢同照顧家人。」問到現時有否追求者？她竟說：「冇咩人對我有興趣，加上我又同屋企人住。（父母催婚？）佢哋好enjoy我喺佢哋身邊。之前我都有拍過拖，近年大個女，冇得強求嘅。曾經我都心急過，但緣分唔啱。拍拖要好多時間同心機，好浪費光陰。」

採：影視組

文：專案組