蕭正楠爆阿廉大鑊？佢生高傳染性嘅嘢
蕭正楠昨日為穿越喜劇《超時空男臣》試古代虬髯將軍造型，自爆被女友黃翠如取笑酷似羅樂林。蕭正楠與老友曹永廉再合作新劇，未開工已經互窒，蕭正楠反擊阿廉取笑他生蛇說：「佢生好多其他嘢，高傳染性嘅。」
藝員蕭正楠、曹永廉、田蕊妮、王君馨及朱晨麗等昨日在將軍澳電視城為穿越喜劇《超時空男臣》試造型，滿面鬍鬚飾演將軍的蕭正楠笑說：「未試過咁英嘅造型，Sent咗張相畀翠如睇，佢話做乜Sent囉囉攣（羅樂林）張相畀佢。」田蕊妮則以孖辮造型示人，她笑說：「今次係青春少艾，大家係咪有啲唔慣？係咪以為拍鬼片？」曾在頒獎禮疑似「動L」的吳業坤介紹角色時則說：「我係做現代人。」引起笑聲。
黃翠如讚有型
再度合作的蕭正楠與曹永廉笑言擔心傳緋聞，期間又不停鬥嘴互窒，問蕭正楠其造型有否嚇親翠如？他說：「冇，佢話好型，上網睇番囉囉孿張相，真係有八成似。」由於他早前生蛇，即被曹永廉取笑：「囉囉攣都生蛇，秋風起吖嘛，會唔會傳染o架？」蕭正楠聞言笑說：「我同囉囉攣可以搞番個生蛇俱樂部分享吓，呢排公司多人生蛇，阿廉就冇生蛇，但係生好多其他嘢，高傳染性嘅，大家小心啲，哈哈。」提要黐鬚演將軍有不少動作場面，阿廉即搶答笑說：「冬天黐鬚舒服好多，唔係熱天條蛇又出嚟。」蕭正楠卻爆對方為新劇加操：「阿廉之前肥到好似隻豬咁，為套劇好畀心機，減咗十磅。」
阿田望收視升
首次以孖辮造型示人的田蕊妮說：「角色係酒樓第三代傳人，所以服飾係有啲中國特色。（有冇傳畀老公睇？）我驚佢要我戴呢個頭套返去，哈哈。」阿田與蕭正楠再合作，不擔心觀眾會悶，但對於《巨輪II》收視平平，她說：「有啲失望，套劇拍得幾辛苦，劇組付出好多努力，希望收視慢慢會好。今次再做『倀雞英』已經盡咗自己最大努力，責任已經完成，滿意表現。」講到日前生日獲老公杜汶澤送錶？阿田笑說：「淘寶o架！」
文：影視組