胡諾言帶女搵奶粉錢

藝人胡諾言（胡仔）昨日帶兩位囡囡芷苓與芷悠出席奶粉品牌活動齊齊畫畫，囡囡更用顏料塗在胡仔面上，十分溫馨！由於太太陳琪即將生第三胎，在家中休息，胡仔父兼母職湊女，笑言未有手忙腳亂！他說：「老婆仲有兩個星期就生，BB重成五磅，真係佩服太太，十足每日拎住啞鈴喺身。」
胡諾言父兼母職湊住兩個女。
胡諾言父兼母職湊住兩個女。

明年年中約滿無綫的胡仔，望有機會返內地發展賺錢養家，不過首選仍是無綫，太太可會擔心他返內地工作定力不夠？胡仔說：「唔怕，我定力夠，喺呢行咁多年，都建立一個好爸爸形象。」

囡囡用顏料塗在胡諾言面上，三父女十分開心。
  • 囡囡用顏料塗在胡諾言面上，三父女十分開心。