體力大挑戰！羅霖心郁拍劇
前亞姐羅霖及筱靖前晚到佐敦出席《2016國際太太頒獎典禮》，羅霖身穿胸前中空的紅色晚裝，相當性感！她透露獲邀拍劇，但仍在考慮，擔心體力未能應付：「呢套人物好多，唔想要人就我，阿媽話我要調理吓身體。（TVB劇？）唔講得住，我係想做，係大挑戰。」
至於單身的筱靖笑言女強人形象嚇走不少追求者，談到好姊妹趙哲妤（Uny）未婚懷孕約六個月，筱靖說：「成日聽佢呻另一半，但我冇見過佢男友，我同Uny算係患難姊妹，原本諗住年底旅行，但撞咗佢預產期，再睇吓點啦！（覺得佢遇人不淑？）感情事冇得咁講。（識男友要更小心？）令我冇晒結婚衝動！」
