陳凱琳拖嘉穎旅行散心
演技屢遭狠批的藝人陳凱琳（Grace）最近因無綫新劇再受網友抨擊，昨日她為另一部劇開工時，坦承為此不開心，並預告新劇日內煞科，稍後將偕男友鄭嘉穎出埠旅行慶祝兼散心！
陳凱琳（Grace）、姜大偉、黃智賢（Ben）及湯洛雯等昨日於電視城為無綫新劇《翻生武林》開工，拍攝一場Ben被迫向群眾自爆是「閹人」的戲份，由於在酷熱天氣下穿古裝，眾人大汗疊細汗，非常辛苦。
唔氣餒逐步嚟！
Grace於熱播劇《巨輪II》中有場被養父吳岱融強姦的戲份，她笑言播出時定必捧場，對於曾在不同劇集飾演「姦」角，她說：「每次都係意識上，每個角色原因都唔同，對手都唔同啦！所以唔覺得重複。（套劇收視23點！）係呀，之前都有啲介意，希望多啲觀眾睇，明白收視好難講，因為可以上網睇，我會鼓勵自己，有冇進步先最重要。」
談到仍有網友批評其演技，Grace表示有朋友為此安慰她：「都會有唔開心，我為角色付出咁多，唔可以一下子改變我點做演員，要一步一步嚟嘅！」雖然被狠批演技而感不快，但當談及男友鄭嘉穎時，Grace即展現笑容，透露《翻》劇尚有幾日便煞科，一直望放假小休的她終能如願，湊巧嘉穎近日亦完成新劇，故稍後一起出埠慶祝，地點有待決定。
黃智賢怕醜唔露股
另外，Ben談到「閹人」戲份時說：「尺度問題都係露腿啫。（林峯喺劇露過股！）咁再露就冇新意啦，不過我咁耐以嚟都冇露過，怕醜嘛！」而姜大偉透露太太早前與同劇的蕭正楠一樣病倒「生蛇」，令他心痛不已：「又係咁啱，但太太遲發現，要醫較長時間，依家好啲，但有時都會痛，我都心痛！（陪伴太太？）我煞科後距離下套劇有十幾日可以陪佢。」
文：影視組