伍倩彤孖四眼男啱傾玩得埋

「嫩版張曼玉」伍倩彤（Gillian）日前被本報捕獲與一名「四眼男」搭港鐵，穿上白色連身短裙的Gillian為免遭人認出，全程做低頭族狂篤手機，搞到身旁的四眼男非常冇癮，不停望實Gillian的四眼男主動撩她說話，期間氹得她兩度笑騎騎，四眼男即食住個勢在Gillian面前單手插褲袋，兼單手捉實頭頂扶手騷Man爆一面。四眼男警覺性甚高，當發現記者拍照後，竟拋低Gillian獨自「跳車」。
四眼男主動撩伍倩彤傾偈，都幾啱傾喎！
四眼男主動撩伍倩彤傾偈，都幾啱傾喎！

Gilliam昨日透過電話否認對方是男友：「佢係我朋友嘅朋友，最近大家出嚟玩，食飯時認識，只係認識朋友，冇發展空間，佢都冇追求我，我依家單身。（黐到好埋？）唔算太埋，正常距離，可能角度問題。」

伍倩彤初時為避耳目只顧篤手機。
  • 伍倩彤初時為避耳目只顧篤手機。
身材出眾的伍倩彤，強調單身等人追。
  • 身材出眾的伍倩彤，強調單身等人追。