張致恒幽會女歌手匿衣櫃抬走甩身
藝人張致恒（Steven）背女友莊端兒「偷食」台妹Doris，三角關係最終「一拍三散」！形象直插谷底的Steven更遭網台節目翻舊帳揭秘史，指他於2003至2004年間與當時女友在家中短敍，期間險被傳媒捉到正，要躲進衣櫃「甩身」！
被封為「偷食男」的Steven昔日戀事一籮籮，近日遭好友茜利妹與吳日言（Yan）在網台主持的節目《屬豬嘅小姐》爆舊史！兩人化妝時大講是非，茜利妹今次講的秘聞是「衣櫃裏的男人」，主角正是最近成為全城熱話的Steven！Yan表示聽到的版本是2003至2004年間，當時Steven與一名女歌手玩地下情，有次造訪女方的香閨後發現樓下有記者守候，他為免戀情見光死影響事業而急Call救兵，最後有人變「篋神」躲在行李箱內，由朋友運離該處。
茜利妹自稱是知情者，全因當時有份被急Call：「嗰時我係幫緊嗰位女歌手做唱片創作嘅嘢！」Yan笑說：「你講到咁白，呼之欲出！」茜利妹回話：「都事過境遷，個女仔都結埋婚，生埋仔！」並繼續抽水：「我當時同個女歌手講，你屋企係堀頭巷，不如叫佢過晚夜先『散』，佢話唔得，話啲記者好有毅力，而且個男仔第二日要開工，所以一定要走！」她指事後收到訊息，得知事件得以順利解決，原來該名女歌手當時急召了四名壯男上寓所，Steven躲在衣櫃內連人帶櫃運走，成功避過記者耳目。
四個壯漢抬住走
雖然節目中未有指名道姓踢爆女歌手的身份，但已令人議論紛紛！問到茜利妹在節目中爆料，可擔心被指抽水？她說：「唔係抽水，亦唔擔心Steven會嬲。」對於Steven的偷食事件，她說：「佢每個女朋友我都識，好似鍾舒漫、莊端兒，見到Steven搞到要公開道歉，都戥佢心痛，覺得佢好似鬼上身，做乜愈講愈錯。」記者就「衣櫃裏的男人」一事求證Steven，惟他表示不作回應。
顧住拍拖搞散BOYZ？
回顧舊事，Steven甫出道已「戀愛大過天」，曾懶理公司及朋友反對堅持拍拖，當時他與關智斌（Kenny）組成BOYZ，其後散Band，有傳Steven掛住拍拖就是導火線！有指Steven當時緋聞鬧不停，有次他與Kenny在髮型屋Set頭時，Kenny叮嚀Steven專心工作，不要只顧拍拖，Steven不滿被指摘而大打出手，事後拒絕認錯被公司雪藏，BOYZ亦因而解散！
文：音樂組