吳業坤上機漏低「Wife」
歌手吳業坤繼去年在社交網上載一張生蠔照片，留言「吃好西」，因為打漏一個「東」字而令「吃好西」成為潮語，前晚坤坤再獻新猷，「大頭蝦」的他將「Wifi」寫成「Wife」（妻子），即被網友笑他留低老婆！前晚他起程到澳洲旅行，在港上機後更新facebook自爆：「我訂左（咗）兩隻wife係（喺）機場拎，但我上左（咗）機先記得。」他更向粉絲要求大家投票選擇解決方案，A係「九秒九X衝出登機大堂拎（九點半飛）」、B係「叫朋友同機場職員講送入黎（嚟）畀我。」、C係「唔上網」。
share私人wife
坤坤的烏龍事件當然成為粉絲的笑柄，笑他竟然將Wifi打成「wife」（妻子），又有網友笑他留低了兩個「太太」：「去到目的地問人有冇public wife（公眾妻子），或有冇私人wife可share。（分享妻子）」「2個wife（妻子）咁多？去澳洲再識多2個wife啦」「請問點樣先訂到wife？仲可以訂兩隻。果然鍾意食好西。」「幫我訂兩個husband（丈夫）啦」。
瞓草地悠然自得
網民留言群情洶湧，坤坤都未有理會及回覆。事隔十多小時後，坤坤上載了數張風景相片，以及他躺在草地悠然自得的照片，留言「爽」以及「好耐無行過咁耐了，心情愉快」等語句，不過，他沒有解釋最後怎樣在當地成功上網！
文：專案組