有病就要食藥，有心病就要用心藥，只係有啲病食乜藥都冇用，「二次元禁斷症候群」就係其中之一。不過呢種病唔會傳染，又唔會有生命危險，極其量只會令你斷子絕孫，因為染上此病者，必須係二次元控，病徵係對現實世界嘅異性冇興趣，只會對動漫、電玩、輕小說中嘅虛擬角色有性趣，二次元世界嘅女係咪真係咁誘人？
呢個名詞出現於上世紀80年代嘅日本，由於當時日本男中學生沉迷漫畫，以致形成社交障礙。當中嘅原因有好多，例如由男人埋單同負責消費嘅戀愛資本主義、難以應對幾時結婚、幾時買樓嘅問題等，而部分嚴重人士對結識女性失去興趣，轉移沉迷二次元世界嘅虛擬角色。呢種病症同患者嘅產生，促使美少女遊戲同十八禁遊戲急速發展。
究竟你有冇患上「二次元禁斷症候群」？以下介紹多位相似度極高的二次元美女及三次元美女，你覺得邊個更吸引，大概就可以測試到你有冇「患病」或「病情」有幾嚴重啦！
不知火舞：喺日本電玩公司SNK於1992推出嘅《餓狼傳說2》中登場，作為一位不知火流忍術繼承者嘅佢，擅長暗殺，以大摺扇同火焰為武器，招牌服裝係紅色露出度極高嘅高衩浴衣，招牌動作則係震動乳搖。據設計人員稱，不知火舞嘅胸部原型係嚟自巨乳寫真偶像細川典江，而臀部原型則嚟自經典AV女優飯島愛，難怪身材咁好啦。
朝河蘭：又名武藤蘭，喺1980年9月4日於日本神奈川出生。擁有韓國血統嘅佢，2001年投身AV界，喺一年內共推出212部作品，獲健力士世界紀錄認定為「一年之內售出最多色情影片的女演員與製片公司」，翌年更創出紀錄304部AV，由於同年宣布引退，故無向健力士申報，而兩年內演出516部AV亦係日本AV史上最高紀錄。同為Cosplayer嘅佢，喺2012年扮不知火舞唯妙唯肖，更被視為經典。
初音未來：其實佢係喺2007年8月31日，由Crypton Future Media以Yamaha嘅Vocaloid系列語音合成引擎為基礎，所開發嘅音源庫。為咗令系統形象化，於是將系統化身成虛擬美少女，由於個樣夠萌，成為二次元控嘅偶像，其後更推出音樂、漫畫同電玩產品。
西野翔：於1985年6月29日出生，出道前係廣告模特兒，2004年以AV片廠九鬼專屬女優身份登場。萌度相當高嘅佢以Aira之名喺Cosplay界頗有名氣，曾扮過眾多人氣動漫角色，當中最著名嘅係初音未來。
綾波麗：係《新世紀福音戰士》嘅女主角之一，為零號機嘅駕駛者，個樣夠萌，蘿莉身材，而極度內向性格嘅佢，經常木無表情，因而令人有種好似公仔嘅感覺。而喺動畫中嘅出浴場面，亦刺激佢嘅粉絲數目上升，不但令佢成為超人氣角色，亦係Cosplayer愛扮演嘅對象。
水菜麗：喺1984年5月20日出生於日本東京，2008年7月喺AV片廠Alice Japan出道。原來佢個名同綾波麗亦有關係，話說入行之前佢係一位相當活躍嘅Cosplayer，當中最愛扮《新世紀福音戰士》嘅綾波麗。據講佢同經理人喺餐廳商討以乜藝名出道時，佢就話以綾波麗呢個名作為藍本，而當時咁啱餐枱上有一道水菜（蔬菜一種）菜式，因此便叫水菜麗喇。
白木芽衣子：係日本人氣動漫《監獄學園》中嘅超人氣巨乳角色，係學生會副會長兼獄官，以超緊身制服加激短迷你裙造型示人。擁有典型S性格嘅佢，經常用手上皮鞭懲罰犯規男生。講到最令人興奮嘅地方，除咗佢飛釘上陣外，就係佢發達嘅汗腺，加上經常露底，為大家帶嚟濕度極高嘅畫面。
護麻奈：於1990年5月4日出生，2009年以河野麻奈之名於寫真界出道，當時仍係高中學生嘅佢，憑住36I巨乳及修長身形而廣為人所熟悉，日本雜誌《月刊》製作人岩田更稱佢為「寫真界史上最強巨乳」，其後佢改用現時藝名。2009年12月，佢喺「寫真魂大獎」中獲得三浦獎，之後開始拍電影、演出舞台劇及電視劇多棲發展。2015年9月被挑選飾演動漫真人化日劇《監獄學園》中嘅白木芽衣子一角，激凸嘅上圍被日本網民稱佢為神還原。
撰文：魂