鄭希怡拒搵囡囡做生招牌

靚媽鄭希怡前日現身其自家網店WHYSOCOOL與海港城LCX合作的T恤慈善熱賣活動，是次推出8款T恤作義賣，扣除成本後會全數捐給童夢基金會。她表示T恤設計概念來自自己，當中加入正面訊息，問到是否跟囡囡梁子柔（梁浸浸）相處而得到概念？她說：「我覺得佢係一個開心嘅小朋友，佢成日都笑，我哋又成日喺佢面前笑，互相感染，想將呢份正能量畀唔同嘅家庭。」並寄望品牌日後可發展設計童裝，但坦言抗拒找囡囡做生招牌：「我都有幫自己品牌影，影晒咁多產品真係會覺得好攰，所以唔會揀佢做模特兒，同埋睇吓佢第時得唔得意先啦！」又笑稱快一歲半的囡囡很喜歡影相，已懂得在鏡頭前擺甫士。