湯愛嘉入行即封盤

今年23歲的湯愛嘉（Isabella）是湯鎮業的大女，畢業於UCLA美國加州大學洛杉磯分校傳理系，以為Isabella一心闖娛樂圈？原來她仍然心大心細，皆因孝順女好聽爸爸的說話，Isabella說：「Daddy要我畢咗業先可以做嘢，佢唔想我見太多傳媒，想我做幕後多過幕前，冇咁辛苦，但係我做乜佢都會支持，最緊要係我自己興趣。（怕你女仔蝕底？）係，佢都係咁諗。」如果入行，她希望向電影發展，與影帝張家輝合作，但反而怕與爸爸合作，她說：「佢係有經驗演員，我哋係佢仔女，佢一定會要求更高。」

拍拖六年見晒家長

貴為女神二代，Isabella表示已有拍拖六年的男朋友，並見過雙方父母，但對男友不願多談，十分保護另一半。提到父女情，她透露每逢暑假都會跟爸爸到內地學習幕後運作，亦沒有因為父母離婚而影響彼此感情，她說：「同Daddy關係好好，我喺美國讀書，我哋日日都會溝通，有咩都問佢。（有冇見過同父異母妹妹？）有，相處得好好，佢哋喺青島，好少見。」她自言身為大家姐，爸爸不時教她人生道理，對自己的期望也高，不期然令她感到壓力。

湯愛嘉透露會跟爸爸湯鎮業到內地學習幕後運作。

湯愛嘉與父親湯鎮業（右二）及兩個弟弟感情要好。

手錶：瑞士MIDO

化妝：Yola Hung

文：名人組