秋生練武悟人生感恩冇戲有碇抖

影帝黃秋生近日再戴上拳套，重拾年輕時的拳擊興趣，雖然他年逾五十，但拳腳依然剛勁有力！秋生指對武術感興趣始於少年時，雖然打拳是「No country for old man」的活動，但他笑說：「我16、17歲時睇日本漫畫，覺得西洋拳好勁就去學，玩咗兩年幾，另外又學過劈卦、空手道、太極同詠春。（試過實戰？）後生時打唔少！試過用空手道將人一拳ＫＯ，依家幾廿歲人打番拳，體能爭好遠，冇氣！上次練完拳仲病咗十幾日，可能一身汗濕住個身行街吹冷氣凍親啦！」