趙希洛心郁做狐狸精

無綫藝人趙希洛剛於播畢的劇集《超能老豆》中升呢做第二女主角，飾演兩位小孩子的賢淑母親，獲網友大讚「好老婆」、「Wife-able」！她接受訪問時笑言受寵若驚：「多謝網民花時間睇，個個都話想娶我，太好喇！（做咗咩準備工夫？）主要係學番我媽咪啦！同埋我做過暑假班老師，將啲技巧應用番出嚟！」入行近９年的希洛，曾分別在《八卦神探》與《實習天使》中演變性人及變態殺人犯，獲網民封為「御用癲婆」，她笑言樂於演反派，到今次演活賢妻角色，可見其戲路廣闊，不過她不心急再上一步做「女一」：「我未Ready，而且我好百厭，想試大奸大惡嘅角色，奸角好玩啲，最想演小三，現實生活我一定唔會！」