趙哲妤呻賣肉冇錢途

趙哲妤（Uny）前晚出席音樂會時表示，早在四、五年前已經學唱歌，計劃下半年做兩首歌曲，希望做出好成績後，吸引到娛樂公司找她拍戲之餘，又可以助她出唱片。問到有公司簽她拍戲，是否要求性感演出？Uny則說：「又唔係喎，幾年前露少少肉都會搵到好多錢，但依家性感唔值錢啦，反而識武打或者做網絡紅人，拍吓 短片先得。」同場無綫藝員麥皓兒以透視裝透紅Bra示人，自言當年曾想參加「超級巨聲」，可惜撞正演舞台劇而錯過機會。