劉穎鏇搣甩11磅透現峰芒
正積極備戰的十位準港姐昨日穿泳裝展示體態，成功搣甩11磅的劉穎鏇弗爆示人，加上其傲人「峰」芒，成功搶鏡！而身形弗爆的代蓮曦丹美亦失手疑似露毛，大煞風景！
《2016香港小姐競選》十位佳麗昨日現身南區，以密實泳裝亮相「水上擂台」活動，惟因天雨及雷暴警告而取消落水，眾佳麗只能在池畔拉筋壓腿影靚相。決賽大日子將至，佳麗都積極備戰，賽前被封「大隻鍾嘉欣」的(2)劉穎鏇（Tiffany）落力Keep Fit終有成果，她稱已搣甩11磅：「參選時133磅，現階段122磅，已經係近年最瘦、最Fit！」身材逼爆的她穿密實泳裝仍難掩「峰」芒，透視設計令胸形若隱若現！
馮盈盈凸腩
講到港男麥凱程（Alex）封她為「女神」，Tiffany說：「我哋識咗冇耐，大家都好友善。（佢冧你喎！）佢對大家都好好，可能因為我哋係拍檔啫！（覺得佢條件OK？）佢都OK呀，高我少少，但着咗高踭鞋就唔想企佢隔籬，因為會尷尬！」
而(6)馮盈盈與身形單薄的(3)張寶兒同樣表示正積極增磅，惟以兩件頭泳裝示人的馮盈盈不慎凸出「肚腩仔」，張寶兒更不慎下體現形！馮盈盈表示正為決賽戰衣而增磅，講到身材走樣，她說：「會做番針對性塑形，做番sit up、平板支撐同跑步。」
張寶兒「現形」
張寶兒揚言已成功增磅：「其他女仔都話我脹咗！（覺得一件頭泳裝密實？）唔會，件泳裝將我身形拉長咗，顏色仲顯得我好健康。（唔會覺得老土？）唔會，幾時尚，可能大家口味唔同。（疑似下體現形？）我會留意吓，多謝提醒。」
身形弗爆的(4)代蓮曦丹美（Daisy），下體失守現形兼疑似露毛，她強調：「事前清理好乾淨，因為覺得好不雅，有小心處理，因為想尊重觀眾。（特別處理毛髮？）有好小心，如果都係（失守）嘅話，大概可能係唔小心。」
文：影視組