蔡加怡大女多要求 唔得閒再生
玩具大王蔡志明千金蔡加怡及何猷啟，前晚以總理身份出席東華三院慈善晚會，同場還有蔡李惠莉、蔡加敏、汪圓圓、歌手林奕匡、AGA、方皓玟等，據知婚後的王賢誌與另一半Kevin亦低調現身。
加怡透露兒子百日宴當日兩家人一起吃飯慶祝，坦言現時要湊兩個小朋友都幾攰：「依家會陪個大女多啲，因為佢返K1，識要求爸爸媽媽做咩，想我陪佢玩，暫時都未考慮再生住，怕冇時間。」她又表示現時家庭聚會非常熱鬧，早前爸爸媽媽還跟八個孫一齊影全家福：「好搞笑，小朋友好難控制，雖然冇人喊，但唔係八個都望鏡頭。」
猷啟爆女友月事
而猷啟的以色列外籍索模女友Angelika最近來港兩星期，他自爆女友因月事來潮不舒服，所以未有同行。問到女友可有向他發脾氣？他說：「唔會嘅，可能心情煩躁啲（口者），佢就快返以色列，我哋keep住兩、三星期見一次，平時都會Facetime。」他坦言還未帶女友見家長。猷啟日前與女友被影到街頭sweet爆咬鼻，他怕醜得紅晒面尷尬謂：「要控制吓。（叫女友搬來香港住？）啱啱開始冇理由叫佢放棄嗰邊。（介紹多啲工作？）佢香港都有agent，睇吓將來點。」談到孿生家姐何超蓮在澳門公司升做非執行董事，猷啟表示會為超蓮慶祝：「呢幾日未見到佢，佢比較忙，等我女友走咗先。我成日黐住佢，佢都話我煩啦。」
文：音樂組