梁家玉斥資七位數 開靚太廚房
作曲人雷頌德（Mark）太太梁家玉（Jade）向來廚藝了得，醉心烹飪的她不時在網上分享煮食心得，近日更斥資七位數開設專屬廚房並打算開班教授，將興趣傳揚開去。Jade除鼓勵大家在家煮食外，同時亦要對夢想有所堅持，最終定必能夢想成真！
梁家玉（Jade）表示從小在母親身上學煮餸，卻後悔當時沒有學得更多，令某些味道失傳。曾與外籍前夫在外國生活一段時間的Jade，雖然常煮中菜，但其實西餐才是最耍家。她笑言現在Mark和囝囝都愛吃她煮的西餐：「有時我哋出去食飯，老公會話『都係你煮得好味啲』，囝囝又會成日話『媽咪你好耐冇煮飯喇』，其實我前日先煮完。如果有時間，我都盡量煮，亦都鼓勵人哋多啲喺屋企煮飯，健康啲！」
千三呎方便拍片
喜歡烹飪的Jade樂於分享，數年前已在網上自拍烹飪短片分享心得，所以短片都是在家中的廚房拍的：「啲片全部得我對手，因為我屋企個廚房太細。我一直夢想有屬於自己嘅廚房可以畀我發揮，遲吓會出食譜，都要搵廚房影相，機緣巧合見到呢度，租金唔算貴，又近Mark嘅studio，所以就揀咗呢度。」
面積一千三百呎的廚房，所有設計裝修均由雷頌德為太太操刀，Jade笑言Mark最了解她：「我好滿意，好啱我style，終於擁有屬於自己嘅廚房，完成夢想，可以創一番事業，將自己興趣繼續落去，所以我叫呢度做『Dream Island』！」
小班制純為興趣
Jade表示將來開班會親自授徒，亦會親自挑選食材，每一堂不會多於八人：「質素好緊要，太多人根本兼顧唔到，由買到煮，可能一齊食埋，之後仲要洗番個廚房，唔係咁簡單，希望做到件事係靚，絕對唔係諗住要搵錢，因為根本好難搵到，只係想同鍾意煮嘢食嘅人有個地方一齊分享！」
採訪：Ada Lam
攝影：唐豁莊
髮型：Evan Wong @ Fifth Hair Salon
化妝：Krisie Wong
服裝：M Missoni