吳業坤自認虧虧哋 誓養精蓄銳
歌手吳業坤昨日現身尖沙咀出席位元堂《坤哥ｘ隨蔘所欲！蔘意雪糕試食會》活動，坤坤與品牌高層合照時，主動請身旁的韓服少女一齊影相，但當大家要求坤坤搭韓服少女膊頭，他即變怕醜仔婉拒。坤坤又餵女粉絲食限定版的韓國高麗紅參雪糕，之後小粉絲窩心餵他，令不少圍觀粉絲尖叫。
坤坤表示不時有「媽咪參湯」滋潤，問到食人參是否有助壯陽？他笑言：「會咩，我淨係知係補氣。」他表示要尋求養生方法，大家提議他最好的方法是採陰補陽，坤坤笑說：「唔好啦，怕寒涼，呢排虧虧哋。（太多女友耗盡精力？）係自己體力用盡晒喺工作上，依家唔係後生嗰時，打通宵麻雀都得，依家通頂都補唔番。」問到是否他已「升呢」不能捱夜？他即謂：「唔係，我唔係扮大牌，我唔會揀工作做，只要做到都會盡做。」想養生，莫非想精力留給女友？坤坤笑謂：「畀我養生十年，我唔想到時貨不對辦。（精壯係你賣點？）咁點都唔好畀個虧佬男朋友人哋o架。」
文：音樂組
攝：吳文聰
