崔碧珈胸器太勁爬唔郁

藝人崔碧珈、鄧穎芝、陳詩欣及Kellyjackie等昨日出席汽車活動,穿吊帶露臍短裙亮相的崔碧珈表示最驚泊車,而提到同公司的鄧麗欣傳約滿離巢,她說:「冇聽過。(佢離開對你有利?)咁公司仲有新人,最緊要做好自己,保持個人市場競爭力。」她又透露在電影《辣警霸王花》中會出動「胸器」:「有啲攀爬動作,因為太豐滿做唔到。」

至於鄧穎芝透露獲打拳教練邀請任助手:「佢10月會打比賽,叫我幫手遞水、抹汗同攞牙膠。(佢想追你?)唔知,幫你問佢。」現年24歲的陳詩欣則爆母親安排相睇飯局:「我係咁推,好尷尬,有目的好怪,不過其中一個男仔幾靚仔。」