麥凱程睇中劉穎鏇出法式冧招

十位候選港男昨日齊集商場宣傳,並分別為同號碼的候選港姐拉票,當中在法國長大的(2)麥凱程(Alex)坦言對「大隻鍾嘉欣」劉穎鏇心動,更如數家珍般喪讚對方,指她性感又開放,轉頭又用法文讚嘉賓麥明詩靚女,認真多心!

《2016香港先生選舉》將於本周六舉行,10位候選港男昨日現身商場宣傳,期間拿起同號碼的候選港姐相片拉票,當中(2)麥凱程(Alex)直言對劉穎鏇心動,大讚對方真人很靚,身材高挑頭髮長,加上為人性感又開放,讚到天上有地下無!

問到在法國長大的Alex,平日是否經常出冧招及用法文氹女仔?他笑說:「如果女仔靚我都會直接講。(係咪對劉穎鏇心動?)係,覺得佢係最靚參賽者之一,好幸運可以同佢做拍檔。(你話佢性感?)意思係open-minded,雖然我冇女友,但劉穎鏇好似有男友,所以唔會追佢。(同人男友鬥過?)唔會,佢喺羅省返嚟,太遠啦。」

鍾意青靚白淨男

將卸任港姐的麥明詩(Louisa)分享選美心得,穿上大露背短裙的她非常搶鏡,期間更挑選心水港男,分別是Alex、(6)馬俊傑及(9)丁子朗,及後她逐一訪問三人,她問Alex:「我靚唔靚呀?」之前公然冧劉穎鏇的Alex相當識做,以法文讚「兩個都非常靚。」來打圓場,馬俊傑則說:「你靚佢少少,不過佢都唔差。」

事後Louisa坦言露背造型是為搶焦點,並笑說:「呢度咁多港男,驚佢哋搶焦點,所以我都要出少少搶吓。頭先喺後台個個都各出奇招,我第一次見馬俊傑係去巴西之前,覺得佢幾啱眼緣,本身鍾意陽光同青靚白淨型。(林作呢?)唔好講佢啦!(換咗畫?)唔講啦,低調啲。」

鍾君揚先拔頭籌

活動上舉行「現場最佳表現香港先生」選舉,結果由(1)鍾君揚(Freeyon)奪得,他表示先拔頭籌獲獎對賽事有幫助。至於昨日25歲生日的(8)伍禮騫獲眾人送上蛋糕慶祝,壽星仔表示寄望晚上能早點返家,與家人及女友食飯。

文:影視組