余文樂愛千嬅無聊

型男余文樂日前為代言產品拍廣告，對於早前被指與好友阮小儀拍拖，他大讚對方可愛又幽默。談及心儀的女神，他笑說：「最緊要係傾到偈，可以一齊做無聊事、傻事。（有冇人選？）楊千嬅！」今年底，他將與千嬅第三度合體拍戲，笑言從未如此期待過：「我一直夢想好似經典電影《日落巴黎》咁，將兩個人嘅故事拍成系列，好浪漫！（傳影帝周潤發都會參演？）我都想呀！但佢最近忙行山同健身，而且邀請發哥演出，要出動好優厚嘅條件。不過世事無絕對，導演成日都有新構思，劇本仲喺度改改改，有可能請埋麥當娜、羅拔狄尼路呢！哈哈！」