恨睇東京奧運陳美齡諗計撲飛

藝人陳美齡前晚與陳貝兒出席公開活動，她表示今次來港主要是宣傳新書，順道探望媽咪及出席慈善活動，她說：「26號就返日本，做音樂會同演講工作。」對於東京將舉辦2020年奧運，問到日本當局有否找她幫忙宣傳？陳美齡笑說：「我始終唔係日本人，點會搵我？我好鍾意奧運，可能要諗計撲飛！今屆我都有睇，最鍾意睇舉重同乒乓球，排球我都想睇，但要工作睇唔到。」