陳展鵬自爆早有對象！
近日全城熱議的無綫劇《城寨英雄》收視報捷！前晚錄得播映以來最高收視32.4點，平均收視亦是本年度二線劇單日收視之冠，演員陳展鵬、胡定欣、王君馨及袁偉豪等齊齊食飯慶祝！
陳展鵬、胡定欣、王君馨及袁偉豪等昨晚出席劇集《城寨英雄》晚宴活動，劇集前晚錄得播映以來暫時最高收視32.4點（約2,105,000觀眾人次收看），平均收視亦是本年度二線劇單日收視之冠，達31點，成績理想，眾演員齊齊開心祝酒慶祝！加上昨日有傳鍾嘉欣的BB已出世，喜事重重！
伍允龍唔認拍拖
現場嘉欣的前男友伍允龍、前緋聞男友陳展鵬及好姊妹王君馨等坦言若是真的話，都戥她開心！展鵬笑說：「緋聞女友？N年前喇喎！（佢好似好神秘？）神秘先好，畀大家驚喜嘛！（會否買禮物送畀佢？）都好，不過要知男定女先，佢會唔會生龍鳳胎呀？」展鵬透露有相士指其對象已出現兩年，並即場呼籲對方快點現身。至於嘉欣好姊妹王君馨坦言未知情：「佢生完一個，應該仲有三個接住嚟，因為佢話要儲齊四大天王。我自動波變契媽，之後9月探佢，我唔識湊B，但做工人買餸煮飯乜都得！」
而舊愛伍允龍表示早前曾與嘉欣聯絡，問會否再致電？他說：「等佢休息吓先。」他亦坦言想成家立室，但未遇到對象。談到劉佩玥帶他出席好友聚會？他說：「好多女仔朋友都帶我去朋友聚會，唔係拍拖。（傳傳吓變真？）呢啲嘢唔知，依家只係好朋友。」
胡定欣努力搵伴
胡定欣則笑言等這餐飯等了三個星期，希望收視每日升一點，談到無緣與馬國明拍新劇，她說：「只要佢仲喺無綫，我哋都有機會合作。（馬明叫你攞咗視后咪咁專注工作！）咁邊個養家？依家事業啱啱開始，事業同搵另一半都會努力，佢都要努力，希望佢搵到個好女仔！」
文：影視組