男女錫錫好平常李蕙敏：咪大驚小怪

歌手李蕙敏（Amanda）昨日出席慈善活動，但比原定時間遲了半小時才現身，她解釋是大會通知錯時間：「可能係誤會，我都唔好意思，但我真係冇遲到，如果遲我會講對唔住。」Amanda又主動澄清日前本報影到她攬老外的新聞，她說：「我同老公好相信大家，佢好放心，知我嗰啲全部姊妹。（你嗰晚着得好性感？）咁依家幾多度，同埋跳完舞又會熱啲。（如果老公攬女你會唔會介意？）冇攬，唔介意，西方朋友係咁，咁講咪連goodbye kiss都好嚴重？男女都錫面，唔可以咁睇。（即係覺得係小事？）唔好太大驚小怪。」