迪子着二手泳衣濕身晒34E

夏日盛事「Slide The City Hong Kong 香港站 2016」，由今日開始至下周一（8月29日）登陸中環海濱活動空間。昨日舉行開幕禮，獲一眾星級嘉賓到場支持，包括羅孝勇（Sheldon）、尹蓁晞（Yumi）、迪子、鄧詠雪、李美琪（牛雜妹）、安俊豪、ReVe、陶枳樽、麥芷誼、柳妍熙、何弘軒等年輕藝人，場面熱鬧。今年滑水梯高台高度提升至約十米，是全亞洲Slide The City最高的，難怪迪子、鄧詠雪、牛雜妹等人試玩完都大讚勁刺激！

羅孝勇唔敢去天體沙灘

Sheldon表示之後要綵排故沒有試玩，但稍後有機會都會來玩。提到他皮膚白，他笑說：「我喺澳洲都曬極唔黑，不過我都會去沙灘。（試過去天體沙灘未？）冇，因為我係澳洲住嗰度冇呢啲，呢啲通常都喺歐洲。（想去？）我唔夠膽。」

迪子穿上紅色比堅尼十分搶眼，盡騷34E逼爆上圍。她自爆身穿的泳衣是好友莊端兒所贈：「因為我冇乜泳衣，淨係得啲好保守嘅，所以佢知道就畀咗呢套我，我同佢size差唔多。」至於密實上陣的Yumi尷尬稱正值「不方便日子」，故稍後才會玩濕身活動。

文：音樂組