孫慧雪宣布與男友復合前，趁書展推出寫真集，由於銷量不錯，她表示非常高興：「實際印咗3,000幾本，依家仲賣緊，相信一個月內會售罄喇！旺角有間書店入貨後，兩個星期就賣晒，銷售破100本，係佢哋賣寫真咁耐以嚟最好成績嘅一次！」如今名花有主，問到阿雪明年會否告別寫真界？她說：「唔會再出（寫真）喇！講明叫『Once』嘛，就算再出書都係寫吓文咁。（以後性感尺度如何？）我唔會因為出寫真而性感，都係走以往嘅性格演員路線。」
阿雪又大肆放閃，指男友非常信任她：「佢唔會管我嘅工作，如果管就唔要佢啦！佢好信我，知道我唔會亂嚟，出寫真時佢話只要唔係影得差就OK喇！」