捱足10年茄喱啡「試過3日3夜冇覺瞓」

孫慧雪最近在《超能老豆》的演出備受注目。

10年背後，阿雪捱出頭來殊不簡單，她初出道時擔任節目《美女廚房》助手「粥粉麵飯」之一的「阿飯」，當時憑清純形象已吸引到不少宅男。她於2006年亦曾為世界盃做「世界妹」，以及在《獎門人》系列等節目亮相，10年來參演逾140部電視劇，惟當中超過三分之二角色都只是閒角，更試過在同一部劇集演多個角色，曾在《同事三分親》以途人、店員及記者等7個角色出現。她坦言10年來一直做閒角，所以未試過「唔夠騷」：「最高紀錄係3日3夜冇覺瞓，表面係日日有工開，但其實有幾年係每個月人工得6,000幾蚊，為咗生活乜都做！」為了增加收入，她未有礙於演員身份而不敢拋頭露面，反而豁出去做過侍應，亦試過自製飾物在街邊擺檔。雖然一直做閒角，至近年才彈起，但阿雪10年來都是宅男至愛，一直是十大網絡女神之一！

阿雪入行10年都只是做「二打六」，影大合照大多企後排或靠邊站。

阿雪（左一）初出道時做「阿飯」，當時已憑清純形象迷倒宅男。