30歲蔡加讚24歲G.E.M.奪世界傑出華人青年大獎
「玩具大王」孻仔蔡加讚、歌手鄧紫棋（G.E.M.）、觀瀾湖集團副主席朱鼎耀等，昨日榮獲首屆世界傑出華人青年大獎。當中30歲的蔡加讚及24歲的G.E.M.，年紀輕輕便獲此殊榮。獲父母、胞姊及太太到場支持的加讚坦言感到開心，認為獎項很有鼓勵性及推動力，將多做善事回饋社會，他說：「今個月係義工月，幫老人家驗眼，有中醫義務幫佢哋做身體檢查。」他表示家人是自己的推動力，希望自己樹立一個好榜樣給子女！
面對劣評要有勇氣
而G.E.M.被問到過去一年不斷專注賺錢，認為自己憑甚麼獲得此殊榮？她說：「音樂唔止係我嘅事業，要平衡商業同做緊嘅嘢，為社會帶嚟正面嘅能量。」提到她在內地節目《蓋世英雄》上翻唱樂隊Beyond的歌《喜歡你》、把韓國組合Big Bang成員太陽的歌曲翻唱成中文版等都惹來不少劣評，她說：「做乜都有唔同聲音，要有勇氣先可以擁抱唔同嘅嘗試。之前同韓國歌手Psy合作改編歌曲，係個好好嘅學習機會。（有指你不滿佢編曲？）呢啲網上嘅炒作，我同佢都唔想助長，我哋私下得啖笑。」另外，姚明與郎朗都有份攞獎，但未有出席。
