周潤發自封小三讚城城當旺
由郭富城、梁家輝及周潤發主演的新片《寒戰2》於7月8日上映，截至前日在港票房已累積至$21,910,757，該片周六單日收$7,556,526，破了2004年周星馳電影《功夫》單日所創的$7,210,732票房，刷新「歷年香港及華語影片最高單日票房紀錄」。該片在內地票房也衝破3億人民幣，意味只花短短3天，已打破4年前《寒戰》內地總票房2.53億人民幣，台前幕後可謂飲得杯落。
對於票房成績驕人，周潤發笑說：「我小三嚟咋喎，多得郭富城最近攞咗金像影帝，佢行緊運嘛。（拍《寒戰3》？）未有人同我傾喎，都係睇劇本啦，老闆佢哋仲忙緊宣傳。」郭富城則透過經理人小美回應：「今次係台前幕後努力嘅成果，大家都好鼓舞，我哋已經請咗好多朋友入場睇戲。我忙緊演唱會綵排，如果有時間會再買飛睇。」
文詠珊包場請客
楊采妮則表示身在新加坡的丈夫，一早買好戲票，待她完成宣傳之旅返家後，便拉隊入場欣賞她的演出。至於身在上海拍戲的文詠珊則表示早已包場「請客」，她說：「依家喺上海都會再包場睇。（同周潤發咁多對手戲，畀對方氣場嚇親？）其實位位氣場都好大，最難忘係同發哥拍點蠟燭嗰場戲，佢幫我影咗張相，嗰張相我好鍾意，所以攞咗返屋企收藏。」