羅天宇弟出局「嫩版黎明」硬住入圍

《2016香港先生選舉》早前進行兩輪面試，昨日13位入圍港男到將軍澳電視城作內部見面，包括七名本地代表、三名多倫多代表及昨日首度現身的三位溫哥華代表，多位熱門順利過關，包括王浩信胞弟王瑋彤、爆肌消防員Flow（梁裕恆）、「翻版古天樂」黎振燁（Jackson）及程可為姪仔楊灌澤（Christian）等，至於羅天宇同母異父弟弟胡(非玉)則被out！

「縮水吳尊」冇反應

三位初次曝光的參賽者，23歲「嫩版黎明」簡少傑（Kent）仍是大學生，最似黎明之處除了官仔骨骨，其甫士亦夠晒硬，轉身時手同腳勁似機械人！樣子鬼鬼哋的Andoni是西班牙及香港混血兒，廣東話不太純正的他舉止可愛，問到多少歲，他說：「聽（今）日21歲喇！會同媽咪同大姨媽慶祝。」身穿白皮褸的Jeffrey Leung 20歲猶如「縮水吳尊」，笑容欠奉十問九唔應。

大熱爆肌消防員Flow Leung身穿緊身衫凸點搶鏡，昨晨上車時拿着三文治及鮮奶，講到女星莊思敏表示有朋友將Flow的電話號碼給了她，Flow寸爆說：「哈哈！我惟有笑啦！（佢打畀你？）當然冇！大家講下笑，本身唔識佢。」

胡(非玉)外形不俗，無奈晨咁早出局。	王瑋彤（左）、黎振燁（左二）、楊灌澤（右）順利入圍，與其他參賽者等表演。	「縮水吳尊」當酷熱天氣冇到，白皮褸跟身。

王瑋彤動L現身

王瑋彤昨晨感覺似未瞓醒，右邊頭髮動L了一撮猶如「花輪同學」，不過昨日比上次健談得多，日前他疑患腎石入院，他表示已好得七七八八，仍要等化驗報告。

此外，羅天宇對於胡(非玉)落選坦言感失望，他說：「不過佢仲年輕，依家都做緊舞台劇，我叫佢專心做好佢先，之後可以上戲劇班同操Fit啲，為下屆做好準備！」而港男監製陳旭亮對質素不錯的胡(非玉)被Foul稱：「其實係全部評審嘅決定，佢都好高分嘅。」

文：影視組