猷君唱國歌撐C朗 孖住捧盃

歐國盃昨日凌晨上演冠軍之戰，雖然葡萄牙球星基斯坦奴朗拿度（C朗）在開賽25分鐘因傷離場，但球隊在加時階段攻入致勝一球，以1比0力壓法國捧盃，歷史性首度封王。圈中不少「C朗迷」當然不會錯過這場世紀大戰，賭王何鴻燊四房兒子何猷君親臨現場撐葡萄牙國家隊，還上載即場大唱葡萄牙國歌的短片為隊員打氣，最後更有幸近距離目擊C朗捧盃一刻！除了上載自己的「捧盃照」外，他又留言指第一次觀看葡萄牙的國際賽事、第一次親睹C朗披葡萄牙球衣，結果首次撐場便能看到他們捧盃，難怪興奮地說：「I'm definitely their lucky star！（我是他們的幸運星）」

鬧爆球證唔畀牌

至於藝人李彩華（Rain）亦飛抵當地見證愛隊捧盃，又上載多張照片分享，相中見她把C朗簡稱「CR7」畫在臉上力捧男神。Rain受訪時為「男神」C朗被踢傷而抱不平：「最開心係睇到場球賽，最唔開心係C朗咁快畀人踢傷咗！覺得好唔公平！我哋睇完覺得法國隊係踢人，但又唔畀牌，覺得好可惡。」

猷君近距離直擊葡軍捧盃一刻，梗係直豎拇指！	李彩華披葡萄牙國旗撐C朗，難忍偶像被「踢」出場。	楊崢入場前與男球迷合照，飛來艷福？

琦琦嘆法國運滯

名模楊崢與琦琦原來亦親往觀賽，楊崢透露不惜花費五位數字購買門票。坦言捧德國隊的她在愛隊出局後，急急轉投C朗懷抱：「有法國朋友見到C朗受傷話佢扮嘢，我就同佢哋解釋，見到佢受傷但球證又冇反應，覺得好唔公平！好彩最後贏波，見到佢贏波後錫隊友，覺得佢真係好想贏！」琦琦則上載場內照並留言：「現場氣氛太好，法國隊運氣不好，C朗踢廿幾分鐘真的好遺憾。」

文：專案組