坤坤紅館騷加平飛位與眾同樂
吳業坤處男個唱勢不可擋，個唱優先預訂的貴價飛在短短兩小時被掃光，香港演出業協會為回饋樂迷，決定增加最平的180元座位！人緣極佳的坤坤傳正邀請張智霖、謝安琪、關淑怡、王祖藍等粒粒巨星助陣外，拍海報時連狗狗都自動埋身。
「人氣王」吳業坤（坤坤）將於8月10日假紅館舉行首個個唱《SUMMER POP LIVE IN HK香港夏日流行音樂節 2016-KWANGOR LIVE IN HONG KONG吳業坤演唱會》，一班「坤迷」昨晨在網上搶先預訂門票，一如所料於短短兩小時內，最貴的$480及$380全被掃光！由於網絡一度出現擠塞，令「坤迷」心急如焚，雖然正式公開售票於下周二（12日）才開始，但不少「坤迷」已留言要求加場。
貴價飛一掃光
坤坤今次演唱會志在「與眾同樂」，打破紅館近年的票價低位紀錄，分別為$180、$280、$380及$480。據知香港演出業協會為更「貼地」照顧學生及普羅大眾，再打破常規特別將$180的平飛位增加，由三行加至十行約有四千個座位。不過個唱製作方面絕不會「將貨就價」，傳正聯絡跟坤坤友好的張智霖、謝安琪、關淑怡、王祖藍等及坤坤所屬的星娛樂眾歌手登場，群星拱照！
坤坤獲眾星力撐，連小狗也撐場！當他企在小巴前拍攝個唱海報時，有市民拖着愛犬路過，當狗狗看見坤坤後竟主動埋位，更乖巧地坐在他身邊，有工作人員笑說：「吳業坤好犀利，連狗狗都鍾意佢，走嚟支持佢。」坤坤在電話中表示貴飛火速售罄相當驚喜，談及今次開騷不計酬勞時說：「係呀！180蚊飛係為咗啲學生同貧苦大眾，不過我個人認為有賺，係賺咗機會同經驗！」
嘉賓人數眾多
星娛樂唱片公司總經理朱先生受訪時表示，嘉賓仍在度期中：「其實人數好多，度嘉賓出場都度到頭痛。」至於坤坤的經理人樂易玲亦表示今次個唱非為賺錢：「想啲學生、市民喺暑假期間用『百姓價』嚟睇騷，同坤坤分享佢努力嘅成果，但暫時只演一場。」
另外，組合Super Girls（SG）昨日出席教育計劃畢業禮，隊長Aka對於「前度」坤坤將舉行處男演唱會，她說：「我知門票賣得幾好，恭喜佢！」還向對方下聖旨：「唔該翻唱我哋首新歌《有事發生》。」
文：音樂組