夏茉愛整古做怪

陽光女孩零舍得男士歡心,皆因從佢哋身上獲得正能量,令人所有壓力一掃而空,心情愉快。內地模特兒夏茉正正可以畀到大家呢種感覺,陽光魅力加上愛笑嘅性格,試問有邊個男人唔愛呢?

魅力爆燈

嚟自廣州嘅23歲夏茉,唔知佢識唔識得講廣東話呢?不過唔識都冇問題,唔會因此而扣分,皆因佢外形真係索到啪啪聲,令男人冧到痹!三圍有36、24、36,絕對係魔鬼級身材,加埋個子高挑,魅力爆燈!大家咪睇阿妹年紀輕輕,原來佢演出經驗相當豐富,喺模特兒界已經打滾咗4年,最初以私人寫真Model身份出道,憑住標致樣貌同火辣身材,好快就打響名堂,及後推出寫真集,又以平面模特兒身份喺時裝、男士、化妝品以及汽車等雜誌中亮相,同時出席各大商品展銷活動。

此外,佢喺網絡上人氣極高,成為唔少網絡商店及網購平台炙手可熱嘅模特兒。雖然阿妹工作十分忙碌,但係佢亦冇忘記拍攝寫真,同時透過微博同粉絲進行互動,如此貼心嘅舉動,難怪會咁受歡迎,個人微博嘅粉絲人數突破10萬,好厲害呀!

內外兼備

如果認為阿妹嘅成功,全靠外在美嘅話,咁就太過膚淺喇!其實內在美都好重要,正所謂內外兼備,仲邊有得輸吖!阿妹性格開朗,經常笑面迎人,乜都笑一餐,小弟最鍾意佢笑起上嚟雙眼如腰果般甜美,真係引死人。此外,佢鍾意扮鬼扮馬嚟逗大家開心,好似早前佢就以一個鬍鬚麻甩Look示人,索女變麻甩佬,認真搞笑!佢又自爆一啲瘀事,話說佢喺做Gym期間,即使有教練喺身邊,但因為太攰竟然瞓着咗。整古做怪嘅性格不但拉近佢同粉絲嘅距離,而從佢所散發出嚟嘅正能量亦感染唔少人,因而獲得陽光女神嘅稱號。喺忙於跟粉絲互動、拍攝寫真及廣告嘅同時,佢又積極進行網絡商品推銷嘅工作,將每樣親身試過又值得推介嘅產品介紹畀粉絲,絕對有商業頭腦!不過網絡爆紅嘅同時,卻為佢帶嚟被冒認嘅煩惱,唔知各位粉絲有冇辦法幫吓佢呢?

夏茉Profile

出生地:廣州

身高:169cm

三圍:36、24、36

個人微博

簡介:夏茉嘅外形真係冇得彈,要樣有樣,要身材有身材,仲要散發出攝魄勾魂嘅氣質,加上陽光開朗嘅性格,真係人見人愛。想了解佢多啲嘅話,最好嘅方法就係去佢嘅個人微博喇。

網址:http://www.weibo.com/summer0226sunshine?is_hot=1

撰文:魂