楊傳亮慢跑保雙膝

名人楊傳亮與中港攝影器材主席孫大倫及兒子孫道弘前晚出席慈善活動，提到多年來一直保持身形，楊傳亮說：「咁多年嘅體重都保持喺135磅左右，我會跑步同健身，一星期三次，跑一個鐘，但唔會跑得太激烈，因為會對我呢個年紀嘅膝頭有壓力。（近年興練肌肉，你有冇？）呢個係天資，留畀男藝人做，我保持健康就得。」孫大倫則表示孫仔已快滿月，會一家人食飯慶祝，他透露名字會跟「修」字輩：「叫孫修灝，意思係想佢修多啲學問，睇世界睇得大啲。」