婷婷勞氣骨妹騎上身揼謝賢

謝婷婷、「恒生新抱」何倍倩、歌手鄭融、模特兒Rosemary、Danielle、蔡穎恩及Lee Ann等一眾靚女昨日齊齊出席護膚品牌活動，其中Rosemary更不慎凸點！謝賢本月初在內地撞車受傷，問婷婷父親現時情況如何？她說：「未好番，始終係老人家，佢有叫痛，但死都要繼續拍戲。（會唔會叫佢唔再拍？）唔會，佢唔係因為拍戲受傷，而且佢拍嘅時候好似後生咗十年咁，好開心！」

上海練武周身瘀

她指父親撞車後有拍下傷勢給她看，情況頗嚴重：「佢隻手冇咗塊肉，左邊肋骨有少少裂。佢打畀我話只係輕微撞車，仲講笑話自己條命幾好，因為當時咁啱會拍醫院場景嘅戲，可以喺現場即時睇醫生。」

婷婷稱每晚也有安排按摩師為父親做物理治療，可惜謝賢覺得麻煩及功效不大而取消所有預約：「我覺得好心痛又好忟，好似叫佢做熱敷，我要打長途電話千叮萬囑佢先肯做。（去佢屋企幫佢？）第一晚探佢嘅時候我騎住佢幫佢捽，但原來按摩要好有技巧，我捽到好似打緊麻雀咁。」

何倍倩有意投資網上生意。	Rosemary一身打扮簡單得嚟又有型！	穿一字肩連身裙的鄭融感激老闆讓她往外闖。

婷婷又透露早前為電影到上海兩星期接受武術訓練，與世界冠軍學習武術及跆拳道，練到周身瘀青，她說：「每日訓練六個鐘，慢慢見到自己進步，好開心！好耐冇試過好似學生咁，咁早起身去學嘢。（辛唔辛苦？）唔辛苦，因為好鍾意。（依家可以一個打十個？）打兩個啦！師傅都讚我學得好快。」

何倍倩6歲子網購

而何倍倩透露看好網上發展潛力，有意從事網上生意，又指現年6歲的兒子也愛網購，故她會在手機設定密碼，以防兒子亂花錢。而鄭融開心表示剛重新加入初出道時的公司，並多謝老闆給她機會向外闖。

文：名人組