《玄學星相》：莊思敏命犯七殺莊思明過關斬將

《東網巨星》娛樂節目《玄學星相》播出後反應熱烈，深受觀眾歡迎。最新一集由堪輿學家陳定幫，以玄學角度全面解構莊思敏、莊思明及莊思華三姊妹的愛情運。

與陳司翰衝突多

藝人莊思明與舊愛陳思翰拍拖期間，經歷多次離合，惟最後分手收場，陳定幫分析箇中原因：「喺『奇門』占咗卦都係話佢哋冇咩緣分，加上性格不合，可能有好多嘢唔滿意大家，有好多衝突，從而導致分手。」不過，思明隨即與藝人楊明撻着，早前更帶男友見家長，莫非「好事近」？陳定幫續指：「其實佢哋嘅生肖係相沖，所以要經歷考驗，如果佢哋想拉埋天窗，都要過五關斬六將，各方面配合先得。」

大情大性要啱Feel

眼見兩個妹妹感情有着落，身為姐姐的莊思敏卻一直單身，難道是她要求太高？陳定幫說：「因為佢嘅八字比較多『七殺』，即係好講感覺，同埋比較大情大性，所以如果佢有啱Feel嘅人好快會一拍即合。而佢適宜搵年紀大過佢好多嘅人，一係就細過佢好多，愛情運比較極端啲。」想繼續聽師傅點講？快啲Click入《東網巨星》的「視娛樂」，睇《玄學星相》啦！

莊氏三姊妹中，除了莊思敏（右）感情未有着落，思明（中）與思華都蜜運中。	東網主持Niki向堪輿學家陳定幫問及莊氏三姊妹的愛情運。	莊思明與陳司翰有緣無分。

http://goo.gl/39cyh6

文：專案組