陳豪怕觀眾睇厭夫妻檔
藝人陳豪昨日出席慈善活動時透露，與太太陳茵媺（Aimee）助養了三名小朋友，平日會與子女分享由助養兒童寄來的信件。他又指現時兩個兒子會爭玩具，但認為只屬平常事：「會教佢哋分享，總比一個人玩開心。（咁佢哋有冇爭住同妹妹玩？）有，不過妹妹得兩個月大，唔知發生咩事。（會再生第四個？）夠啦！（你係咪怪獸家長？）依家講緊要教導幾個小朋友，父母方針要一致。我唔係怪獸家長，父母梗係想將最好嘅畀小朋友，但唔可以過分錫佢哋。」
問到Aimee何時復出？他說：「遲啲，呢個係佢嘅夢想。（會情侶檔拍劇？）拍廣告同出活動冇問題，但拍劇又做番夫妻，觀眾都唔想睇。（觀眾想睇喎！）唔想冇咗幻想空間。（真人騷呢？）要再商量。」
