翠如懶懶閒唔聽男友電話

藝人黃翠如昨日出席手提電話活動時，自爆最近開始「戒電話」：「我強迫自己喺一個鐘內唔可以掂部電話，有人打嚟都唔聽，希望多啲同身邊人接觸，最初都做唔到，要強迫自己去做。（可能錯過男友蕭正楠嘅電話？）呢個唔緊要！（叫男友都咁做？）等佢拍完劇先。」問到會否因男友遲接電話或覆短訊而大發雷霆？她笑言剛好相反：「好少傾電話，傳短訊比較多，但每次我都覆得慢過佢，佢都好習慣。」