羅鈞滿冇新Job賣車坐巴士
羅鈞滿醉駕獲輕判，避過牢獄之災，如釋重負的他晚上即約友人踢波減壓，翌日再趕返電視城見高層，希望盡快重投正常生活。他直言要感激當天逮捕他的警察：「佢哋喺事情未去到最糟糕嘅時候，令我有機會反省！」
羅鈞滿的醉駕案前日判刑，最終獲判一百小時社會服務令及停牌兩年，不用入獄！聞判後他鬆一口氣，晚上與圈外朋友到樂富踢波，期間追波踢又表情多多，心情不俗！他直言連日來家人都很擔心：「判刑後同佢哋食飯，我收到好多慰問，發現自己有好多人關心。依家停咗牌咪去搭巴士囉！可以睇到好多不同風景。」
返公司見高層
昨晨約見社會福利官後，羅鈞滿於下午2時許乘巴士返抵電視城見藝員科高層，逗留約半小時後離去。問到事件結束是否終於「有覺好瞓」？他說：「咁做完運動一定好瞓啲。（福利官有咩安排？）佢好忙，會再打畀我跟進，依家乜都未知住，但任何社會服務，好似體力勞動、出席活動我都冇問題。（成件事最感激咩人？）當日捉到我嘅警察囉！佢哋喺事情未去到最糟糕嘅時候，令我有機會反省。（以後仲敢揸車？）要睇停完牌之後點，我架車可能會讓畀朋友先，睇吓有冇人有興趣啦！」
下周開會定奪
對於因官司纏身而被飛出新劇《迷》，監製王心慰表示即使他獲輕判亦不會重新起用他，羅鈞滿說：「我同佢關係幾好，希望日後再有合作機會。」據知，無綫下周會再開製作會議，故他暫時仍「前途」未卜，日後工作有待公司再作安排。
文：影視組