46歲郭秀雲化身美人魚！
夏天為大家帶來好身材，現年46歲的郭秀雲（Sharon）化身索爆美人魚，谷胸現身嘉年華記者會，噴血程度爆晒燈！大騷事業線的Sharon「胸戰」兩位青春無敵的麥貝夷和譚淇淇，雖然兩人均穿上背心短褲晒小蠻腰，試玩滑梯時更大玩濕身誘惑，可惜仍不敵Sharon的「峰」頭，被對方搶晒鏡！
名媛郭秀雲（Sharon）、藝人張建聲（Justin）、葛民輝、麥貝夷及譚淇淇等，昨日出席「AAPE呈獻海賊王夏日激航狂歡世界記者會」。Sharon代表其創辦的「海峰環保教育基金」，特意化身成美人魚登場，罕有地大騷事業線！雖然Sharon已為人母，兒子龐景峰更已25歲，但其身材仍keep得非常好。同場的青春小花麥貝夷和譚淇淇都以小背心及熱褲上陣。麥貝夷試玩「沖天奪寶滑翔梯」時，更整個人被拋起露bra top，可惜仍不敵Sharon搶晒鏡，胸壓全場！
葛民輝 自嘲下體濕晒
活動主持人之一的葛民輝就不時大講有味笑話，他表示在較早時間已玩了所有遊戲，其中玩「沖天奪寶滑翔梯」時，因為滑梯上有水，他笑言：「玩完之後我下體濕晒！」而另一主持DJ阿檸問他是否太興奮？阿葛否認：「唔係興奮，但我唔可以上去乾磨，要有啲潤滑，唔係就會磨晒啲死皮出嚟！」全場爆笑。
張建聲 與女友陷冷靜期
至於Justin受訪時透露愛玩競技遊戲，試玩其中一個遊戲時更玩到氣來氣喘。問到是否經常去沙灘(目及)女？他大方承認：「(目及)女我從來都會做嘅，睇靚嘢好正常，我會望異性多啲，因為比較吸引我，同性都會，去旅行我就會想睇吓其他地方嘅男仔有幾正嘛。」問到(目及)女不怕女友介意？Justin即面有難色地謂：「唉......我哋冷靜緊，因為呢排比較忙，同埋大家都去到一個樽頸位，所以分開一排，思考吓先。（分開咗幾耐？）個幾月左右，我哋一齊咗5年。（想挽回？）唔知呀。我事業為先，會唔會阻住人哋呢？（對方想結婚？）其一啦可能，諗吓係咪真係需要大家，結唔結婚呢啲就順其自然，或者可能有小朋友先呢。」
文：音樂組
攝：林蔚恩