出嚟社會工作最緊要有一技之長，好似小弟多年來醉心研究日本AV，家陣不時為大家介紹日本AV情報，都叫做搵到兩餐。而喺日本藝能界有唔少美少女年紀輕輕已有一技傍身，好似HKT48嘅電眼妹妹仔森保圓就係其中之一喇！
日本藝能界有好多成員眾多嘅美少女組合，由早安少女組到近期紅到爆燈嘅AKB48、乃木板46等，成員有數十人，如果要我背晒佢哋個名都幾頭痛。呢類組合嘅賣點除咗係一班青春活潑嘅妹妹仔，仲有舞台上悅目嘅舞步以及感染力強嘅歌聲。但老實講組合成員咁多，邊個唱得好，邊個唱得差，真係好難分辨，除咗今日為大家介紹嘅森保圓，阿妹唔單止被公認為HKT48當中歌聲最悅耳甜美嘅成員，更係擁有高深嘅音樂造詣。
今年18歲嘅森保圓樣子甜美可人，小弟我就被佢雙眼深深吸引住，因為阿妹雙眼圓圓，眼神精靈充滿電力，真係定力少啲都會畀佢電暈。身材方面，森保圓雖然纖巧瘦削，但係骨感唔會太重，同時胸前擁有一對大小適中嘅C奶，夠晒火辣。
森保圓家陣成為HKT48其中一名王牌成員，都係拜佢爸爸所賜，除咗因為圓妹得到父親嘅優質基因遺傳，生得咁靚女之外，當初係爸爸鼓勵佢投考HKT48，而阿爸果然冇睇錯阿女，圓妹順利通過面試，至今成為組合嘅活躍成員。而阿妹之所以面試成功，亦同佢自小學習鋼琴8年有關，令圓妹培養出絕佳音感，喺2010年於「第14屆PIARA鋼琴大會」Junior C部門中獲得阿波羅獎，有一技之長面試，梗係大大增加成功率啦！
加入藝能界之後，圓妹喺《藝人特技王決定戰TEPPEN 2015》當中，以破紀錄嘅97分奪得比賽冠軍，及後佢更推出鋼琴演奏大碟，而現時好多HKT48嘅舞台演出都會搵圓妹作鋼琴演奏，前途真係一片光明。
簡介：森保圓喺Twitter會分享好多有關自己嘅日常活動細節，仲有唔少工作花絮，想了解阿妹嘅工作同生活狀況，不妨Click上去睇睇。
網址：https://twitter.com/madoka_moriyasu
年齡：18歲
身高：5呎6吋
三圍：31C-23-33
撰文：賢