張振朗 謝東閔玩私影爆HeHe情

張振朗、謝東閔：「我哋先係一對！」（設計對白）
張振朗（左）同謝東閔暗中發展HeHe情，搞到王卓淇冇碇企！

張振朗、謝東閔、王卓淇及陳松伶日前在將軍澳一間酒店拍攝新劇《全職沒女》的搶花球戲份，Owen及Brian飾演婚禮化妝師松松的「手下」，為幫助「沒女」松松搶得花球，不惜瞓身搏到盡！「畀女圍」的Brian靠身高在姊妹團中「跳出」重圍，搶得花球後即「殺波」傳給張振朗，玩到濕身的張振朗飛身撲地救「球」，最終將花球送到松松手上！滿頭大汗的Brian事後獲劇中女友王卓淇抹汗，勁Sweet！

咀王卓淇做煙幕？

卓淇及Brian飾演情侶，問到可有「撻着」？曾與卓淇拍咀嘴戲的Brian口花花說：「撻着咗啦！」卓淇聞言即反斥他亂噏，笑言要踢爆Owen與Brian的「HeHe」情，她說：「雖然劇中我同東閔一齊，但劇外我先係佢同振朗嘅第三者！今日振朗帶埋私家相機嚟演攝影師，本來以為佢會幫我影靚相，但相機入面竟然全部都係謝東閔！」

謝東閔靠身高取勝，在姊妹團中突圍搶花球。	張振朗飛撲接花球，真係搏到盡！	張振朗玩到成身濕晒，投入到呢！

Brian笑言想與Owen演「HeHe」情侶，他說：「最好不過啦，我哋咁夾又Friend。」Owen則笑言不時被導演錯認為Brian：「導演成日叫我做東閔，又叫佢做振朗。最搞笑係有次我哋被合體，導演叫咗我哋做『振東』！」至於松松在劇中飾演「沒女」，現實中則與老公愛得癡纏，自爆經常獲老公坐飛機來探班！

文：影視組