「虎媽」Irene做反面教材「還小朋友快樂童年」

無綫真人騷節目《沒有起跑線？》第一集播出後，發表「贏在射精前」及「贏在子宮裏」言論的「大肚虎媽」Irene被網民批評，昨日更有網民起底，發現她曾上電視節目，質疑她「職業出鏡」！記者昨日聯絡Irene，她否認「造假」之說：「我老公間滑浪用品公司有段時期生意差，我上過節目介紹滑浪用品，除咗無綫，亦有now同亞視。」談及「射精」及「子宮」言論引起熱議，問有否後悔，她說：「我覺得可以用一個反面教材嘅身份去做呢個節目，令家長們反思係好事，亦有啲媽媽喺網上留言，話因為咁救咗好多小朋友，大家都多謝我，呢個節目宗旨係還小朋友一個快樂童年。」
Irene：「令家長們反思係好事，大家都多謝我！」<br>雖然備受批評，但Irene無悔發表「射精」論。
Irene：「令家長們反思係好事，大家都多謝我！」
雖然備受批評，但Irene無悔發表「射精」論。

無懼恐嚇 出街賀生日

問到被網民批評，心情有否受影響？Irene坦言：「最唔開心係有啲父母留言，詛咒我小產，佢哋都為人父母，點解會咁詛咒！」她又透露昨日生日，其母甚至擔心到不想她外出慶祝：「有人留言話出街見到我想打死我，不過我出咗去4、5個鐘，去過食Pizza同糖水，根本冇人鬧過我，之後反而有個媽媽喺Facebook留言畀我，話食Pizza時見到我，佢話支持我，叫我加油添！」

與丈夫育有一子的Irene，現正靜待第二胎出世。
  • 與丈夫育有一子的Irene，現正靜待第二胎出世。
Irene承認曾上電視節目，但絕非「職業出鏡」或「造假」。
  • Irene承認曾上電視節目，但絕非「職業出鏡」或「造假」。