少爺占為陳刀抓運動員行騷
DJ少爺占（甄子康）昨日欣賞設計師好友陳刀的時裝騷，騷中找來多位體壇運動員行騷。少爺占透露有嘗試替對方聯絡不同運動員：「佢想搵「神奇小子」曹星如嗰啲，不過好多運動員都有品牌合約喺身。」
此外，他透露九月將與四年沒合作的拍檔Donald（唐劍康）舉辦一個半唱歌、半棟篤笑的表演。問到少爺占屆時可會夠膽穿「現袋褲」？他笑言：「應該唔會啦，做騷好多嘢要掛喺身，原形畢露唔係幾好。其實好多年前我扮叮噹都試過淨係着泳褲，之後全身都用人體彩繪。嗰時都係由陳刀提議，可能呢個係佢個人癖好。」