歐陽妙芝過歌星癮加床戲嗒小鮮肉
四十四歲名模歐陽妙芝模而優則唱，學了兩年唱歌的她早前為親自作曲兼主唱的歌曲，遠赴韓國拍MV，更獲當地好友友情助陣，還請來28歲的韓國小鮮肉李楨煥任男主角上演「床」戲，對方身高達1米90，令妙芝終可一嘗小鳥依人的滋味。
名模歐陽妙芝早前為其作曲兼主唱的歌曲《褪》遠赴韓國拍攝MV，她透露MV製作全部出動友情牌，韓國朋友一呼百應。當日花了18個小時拍攝，44歲身為人妻的她與28歲的韓國小鮮肉男星李楨煥，在MV中不乏甜蜜戲碼大玩姊弟戀之餘，更有一幕「床」戲。問到最難忘的經驗？她說：「最後一幕我要濕身，係導演即興要拍，雖然我由頭濕到落腳，但好驚人咁個妝係冇化開。而且我第一次可做到小鳥依人，因韓國嘅男仔太高，李楨煥有190cm高，係我遇過最高嘅男仔。整個拍攝過程都好輕鬆，佢哋做嘢好有效率，中間我仲瞓咗個晏晝覺添！」
預告與囝囝合唱
談到今次拍攝MV的動機，她稱只是想與朋友分享自己的音樂：「我學咗兩年音樂，朋友都好想聽我唱歌，其實我學音樂係受到兩個囝囝影響，因為佢哋都好鍾意唱歌。只係玩票性質，冇諗過做歌手。今次遇到一班好認真嘅製作人，真係好感恩，學到好多嘢，下次會同囝囝合唱。」
支持創作廣東歌
她表示歌曲的作曲部分早於去年完成，但填詞一直未盡如意，幸好找到好友幫忙：「我本來想自己填詞，但原來填廣東詞真係好難，我哋要支持廣東歌！唱又好難唱，我唱咗超過五百次，錄音都錄咗十次，但都唔係好正，發現廣東歌好難唱。歌名係由我改，叫《褪》，內容係講男女感情耐咗會褪色。」
文：名人組