歌手關智斌（Kenny）日前現身TVB娛樂新聞台節目《StarTalk》，暢談相隔八年再推出唱片的感受。他表示當年失去做歌手的機會，自信心一度極低落：「當時失業冇工開，有諗過係咪要去炒股票！我又好驚出街，怕畀人指指點點！」提到好友張敬軒，Kenny自爆兩人今年曾爭歌：「有次同軒仔講起自己將要出唱片，軒仔話自己一早知，原來佢同一時間都有揀到《次要角色》呢首歌，仲話我做乜搶咗佢首歌，我揀先我點都唔會畀佢。」
