吳啟華爆響口我有不死身！
藝人吳啟華在無綫劇《純熟意外》中不時穿越時空，古裝造型及時裝造型兼備。在第六集中，遇上車禍的他全身鮮血，但仍能走路回家養傷，難怪網友笑他是「不死人」，分分鐘是劇集《殭》中仍未開估的第四個不死人！網友指他可能是「刑活着」的朋友「刑在生」，又指他的角色似足韓劇《來自星星的你》的「都敏俊」！
啟華自揭謎底，指角色擁有「不死身」，是從元朝活到現代、已是700多歲的不死人，劇情下周將交代角色的真正身份。他透露演出時一直緊守「不死身」的秘密，因而謝絕探班，雖然守秘密很辛苦，但角色有多個造型，是他從演以來的最愛！他指角色的造型及其個人狀態都是最好，又特別多謝監製陳耀全悉心打造角色，對於有網民認為角色與「刑活着」和「都敏俊」相似，他說：「角色講我係元朝生存到依家，當年係公主李施嬅畀咗我食長生不老藥，經歷咗好多生離死別，其實好苦！（角色似《殭》嘅刑活着？）我冇睇過喎！（似都敏俊？）角色只係有自愈能力，冇佢咁犀利有超能力，角色唔似佢咁小鮮肉，我Man啲！」此外，監製陳耀全指構思劇集時沒想過《星星》劇，但不妨令觀眾有更多想像空間。
