單立文笑Kelly水性楊花

單立文前晚亦有份參與拍攝，劇中飾演賭王的他令Kelly和山聰連人帶車衝落海，他笑說：「之後我落去救佢哋，都唔知點解要救，咪由得佢哋死囉！不過拍呢場戲其實辛苦嘅，呢啲戲人生中都唔知可以拍幾多次，我就未拍過，連人帶車落海喎！」他坦言很擔心山聰及Kelly，因為兩人落水後仍要做出不少表情，海水逐漸淹沒他們，問到拍檔是否熟水性？他即開口嘲笑緋聞多多的Kelly：「佢熟啲，佢『水性』楊花！」令Kelly哭笑不得！