周國豐開三合一店 招呼品味男
已故著名大律師周啟邦兒子周國豐，將興趣變成生意，繼經營高級床褥生意後，近日再開設一間以Gentlemen's Club為主題的pop-up store，集男士服飾、理髮店和酒吧於一身，在中環插旗，成為高品味男士的小天地。
周國豐繼承父業當上大律師，另邊廂他亦成功創業，開拓自己的lifestyle生意，三年前創立高級床褥生意，是典型的「創二代」代表。最近以他喜歡的Gentlemen's Club概念，開設集男士服飾、理髮店和酒吧於一身的Attire House！他一直喜歡到雪茄吧及會所消遣，亦希望擁有一間為注重外表的男士而設的店舖，兩年前開始着手籌備，搜羅了全世界知名的西裝及鞋履工匠的設計，除了服裝鞋履，還設有理髮店和酒吧三合一，周國豐說：「全世界冇人做過，算係開創先河。」
比亡父有勇氣創業
自小周國豐受父親影響，重視打扮，喜愛筆挺西裝，他說：「我十幾歲已經成日着西裝，親友都覺得我呢個細路好奇怪，但我自己覺得西裝好自然、好睇。做咗大律師之後，更習慣着西裝，屋企九成衫係西裝。（屋企淨得西裝和睡衣？）呢度都有睡衣賣，都係我鍾意嘅牌子。（爸爸若在生一定好安慰？）覺得佢會好開心，佢對創業冇勇氣，保守啲，但我做到，行多咗幾步。」
三顧草廬打動名師
不過，開店籌備過程困難重重，為邀請日本知名Bar High Five的調酒師Hidetsugu Ueno來港合作，周國豐三顧草廬，拜訪數十次，最終誠意打動對方答允來港合作：「佢從未試過喺日本以外開店，由每次都say no，到最後答應，好不可思議。」他亦多謝擁有意大利豐富人脈關係的拍檔Roger Chan，傾品牌時打通了不少障礙。稍後會陸續安排世界知名工匠來港為客人度身訂造，包括日本做鞋工匠山口千尋。前日周國豐先到店內理髮，昨日再到店內打點，此店會經營至年尾，但他已另覓固定新址，新店即將開幕。
文：Tracy Leung
攝：張福宏