羅明珠設靈 袁潔瑩沉痛淚別
「開心少女組」第一代成員羅明珠上月底因心臟病猝逝，終年47歲，其家人昨晚假香港殯儀館為她設靈。喪禮採用佛教儀式舉行，有僧侶及弟子50多人在場頌經，大會於現場派發羅明珠的紀念冊，內附生前靚相及童年照。羅明珠生前改名羅愛過，故殯儀館水牌亦以該名字作登記，而今日出殯扶靈名單包括鄧兆尊、袁潔瑩及陳國峰等圈中友好。
「遮陣」擋鏡頭
昨傍晚時分開始，不少圈中人包括黃百鳴、高志森、袁潔瑩及狄易達等紛紛到場與羅明珠道別，曾志偉、黃日華、薛芷倫、張學友和羅美薇等則送上花牌悼念，羅明珠前夫王培宏則未見出現。每當有嘉賓到場，即有黑衣工作人員出「遮陣」，開遮阻擋記者拍照，因此引起小混亂。據悉，羅母於靈堂內不斷流淚，令人心酸。袁潔瑩與當年發掘「開心少女組」的黃百鳴結伴到場，前者亦傷心落淚拒絕接受訪問，黃百鳴則代羅明珠家屬表示：「佢哋希望低調及莊嚴處理喪禮，所以只招待親友，希望傳媒朋友體諒，我哋心情都好沉痛，總之人生無常。（死因同減肥有關？）女仔鍾意靚，但係咪咁樣出事就唔知，話佢拍網劇復出要見人，佢都冇同我講過。」
至於當年《開心鬼》導演高志森則表示：「望咗佢一眼，好大感觸，突然好似見番15、6歲嘅佢一樣，太可惜同難過喇。識佢超過30年但合作唔多，係我cast佢入行嘅，但之後嘅見面擦身而過，每次都講唔到幾句。（佢媽媽好傷心？）不斷流淚，白頭人送黑頭人係件好難過嘅事。」
文：影視組